देवणी खुर्द येथे वीज पडून सहा जनावरे दगावली
देवणी / प्रतिनिधी ( लक्ष्मण रणदिवे ) : तालुक्यातील देवणी खुर्द येथे आज गुरुवारी सुमारे चार ते पाचच्या दरम्यान देवणी खुर्द येथे वीज पडून दुर्दैवी घटना घडली आहे.
या घटनेत लहू तुळशीराम पाटील यांच्या दोन म्हशी दोन गाई तसेच एनगे वाडी येथील दत्तू राम शिवराम व्यंजने यांची एक म्हैस एक गाय असे वीज पडून एकूण सहा जनावरे दगावली आहेत.
त्वरित दखल घेऊन देवणीचे तहसीलदार सोमनाथ वाडकर यांनी पंचनामा करण्यासाठी देवणी खुर्द सज्जाचे तलाठी भंडारे डी एम यांना पाठवून पंचनामा केले आहे. तरी लवकरात लवकर यांना गावकऱ्यांच्या वतीने व ग्रामपंचायत च्या वतीने सरपंच यशवंत कांबळे तसेच सर्व संघटनेच्या वतीने तसेच मानवी हक्क अभियान संघटनेचे जिल्हा उपाध्यक्ष लक्ष्मण रणदिवे यांच्या वतीने लवकरात लवकर शासनाकडून आर्थिक मदत मिळावे अशी मागणी केली आहे.
