उदगीर : पाचोर येथील पत्रकार संदीप महाजन यांच्यावर झालेल्या भ्याड हल्याच्या निषेधार्थ बुधवारी (ता.१६) येथील शिवाजी चौकात भव्य रस्ता रोको आंदोलन करण्यात आले.या घटनेतील मारहाण करणाऱ्या आमदारांवर गुन्हा दाखल करून कारवाई करण्याची मागणी यावेळी उपजिल्हाधिकारी यांच्याकडे निवेदनाद्वारे करण्यात आली आहे.
पाचोरा (जि.जळगाव) येथील पाचोरा येथील पत्रकार श्री महाजन यांना आमदार किशोर पाटील यांनी विरोधात बातमी का लिहिली म्हणून प्रथम उर्वाच्च भाषेत शिवीगाळ केली, त्यानंतर आपल्या गुंडाकडून चौकात गाडी आडवुन, गाडी आडवी पाडून अमानुषपणे मारहाण केली. यात ते गंभीर जखमी झाले आहेत. या घटनेची त्वरित दखल घेऊन शासनाने पत्रकार संरक्षण कायद्यानुसार गुन्हा दाखल करून आमदारकी रद्द करण्याची कार्यवाही करावी या मागणीसाठी हा रस्ता रोको करण्यात आला.यावेळी या मागणीचे लेखी निवेदन उपजिल्हाधिकारी व पोलीस निरीक्षक यांना देण्यात आले.
यावेळी विनायक चाकुरे, रोशन मुल्ला, अर्जुन जाधव, युवराज धोतरे राम मोतीपवळ, सचिन शिवशेट्टे, रवींद्र हसरगुंडे, दयानंद बिरादार, डॉ धनाजी कुमठेकर, संतोष जोशी, राजीव किनीकर, श्रीनिवास सोनी, विनोद उगीले, सिद्धार्थ सूर्यवंशी, बिभीशन मद्येवाड, महादेव आनवले, बबन कांबळे, सुनील हावा, बस्वेश्वर डावळे, अशोक कांबळे, बालाजी कवठेकर, राजकुमार नावंदर, अॅड गोविंद सोनी, महेश मठपती, भगवान सगर, मंगेश सूर्यवंशी, मनोहर लोहारे, अविनाश सूर्यवंशी, संदीप निडवदे, जावेद शेख, संगम पटवारी, जीवन भोसले, दत्तात्रय भोसले, गंगाधर भेंडेगावकर, नितीन एकुर्केकर, श्रीकृष्ण चव्हाण, राम जाधव, विश्वनाथ गायकवाड, संग्राम पवार, ॲड. डॉ. श्रवणकुमार माने, अनिल जाधव, माधव घोणे, अशोक तोंडारे, लक्ष्मण रणदिवे, जय मादळे, अझरुद्दीन शेख, संदीप पाटील, सुधाकर नाईक, बसवराज बिरादार, गणेश मुंडे, ईश्वर सूर्यवंशी, सुरेश पाटील नेत्रगांवकर आदी सह अनेक पत्रकार उपस्थीत होते.