देवणी / प्रतिनिधी : तालुक्यातील नेकनाळ येथे उपसरपंच पदाची बिनविरोध निवड, दिनांक 29 11 2023 रोजी ग्रामपंचायत कार्यालय नेकणाळ येथील विशेष सभेमध्ये माननीय सरपंच सॊ.कलावती उमाकांत कोरे यांच्या अध्यक्षतेखाली दुपारी ठीक 2:30 वाजता उपसरपंच पदाची निवडणूक संपन्न झाली. अध्याशी अधिकारी माननीय श्री.कांबळे व्ही.एस.सहायक गटविकास अधिकारी पंचायत समिती देवणी, यांच्या उपस्थितीत व तसेच मंडळ अधिकारी श्रीमती, ढगे मॅडम तसेच या गावचे ग्रामसेवक श्री मूर्के आय. एस.यांच्या उपस्थितीत उपसरपंच पदाची निवडणूक प्रक्रिया पूर्ण होऊन उपसरपंच पदासाठी एकच नामनिर्देशन पत्र प्राप्त झाल्याने सौ. सुनीता शामलाल सूर्यवंशी यांची बिनविरोध निवड जाहीर करण्यात आली. यावेळी नूतन उपसरपंच यांचा व इतर उपस्थित पदाधिकाऱ्यांचा फेटा,श्रीफळ पुस्पहार देऊन स्वागत करण्यात आले.यावेळी गावातील श्री.शिवलिंग रासुरे, शंकरांना गरिबे , राजकुमार मुर्गे, ज्ञानेश्वर सूर्यवंशी, महादेव कोरे, करण गरिबे,संजय पांचाळ, व प्रतिष्ठित सर्व नागरिक मोठ्या संख्येने उपस्थित होते. सदर निवडणूक ही शांततेमध्ये व बिनविरोध झाल्याने सर्वांनी प्रशासनाचे अभिनंदन केले.सभेच्या शेवटी सचिव तथा ग्रामसेवक श्री. मूर्के आय.एस. यांनी उपस्थित सर्व अधिकारी, कर्मचारी पदाधिकारी,यांचे आभार मानून सभा संपल्याचे जाहीर केले.