पुणे — दिनांक 4 सप्टेंबर

भारतीय संविधानाने या देशातील प्रत्येक नागरिकांना न्याय,समता, स्वातंत्र्य आणि बंधुता प्रदान केली आहे. सर्व नागरिकांच्या विकासासोबतच वंचित, उपेक्षित असलेल्या मागासवर्गीय समाजाच्या विकासासाठी संविधानात विशेष तरतूद केली आहे. मात्र संविधानातील हा सामाजिक न्याय अजून उपेक्षित वंचित घटकांच्या पर्यंत पोहचला नाही त्यामुळे नागपूर येथील मांग गारुडी समाजाच्या रहाटेनगर सारख्या अनेक वस्त्याआज ही मूलभूत सोयीसुविधा पासून वंचित असल्याचे मत संविधान फाऊंडेशन संस्थापक सेवानिवृत्त सनदी अधिकारी ई. झेड. खोब्रागडे यांनी बार्टीच्या ऑनलाईन बैठकीत बोलतांना व्यक्त केले .
डॉ. बाबासाहेब आंबेडकर संशोधन व प्रशिक्षण संस्था (बार्टी)पुणे या संस्थेने नागपूर येथील रहाटे नगर येथील मांग गारुडी समाजाच्या विविध प्रश्नांसंबंधी दिनांक 1 सप्टेंबर 2023 रोजी आयोजित केलेल्या ऑनलाईन बैठकीत खोब्रागडे बोलत होते.

बार्टी संस्थेचे महासंचालक मा .सुनील वारे यांच्या अध्यक्षतेखाली झालेल्या या बैठकीत खोब्रागडे पुढे म्हणाले की, “बार्टी संस्थेने रहाटे नगर , नागपुर येथील मांग गारुडी समाजाचे सर्वेक्षण करून जो अहवाल बनविला आहे तो प्रशंसनिय आहे. यासाठी बार्टीचे त्यांनी अभिनंदन केले शासनाने या वस्तीत आधार कार्ड, रेशन कार्ड,जातीचा दाखला,जमिनीचे मालकी,हक्क, घरकुल योजना,शिक्षण आणि रोजगाराच्या संधी उपलब्ध करून द्याव्यात यासाठी बार्टी संस्थेने पुढाकार घेऊन सामाजिक न्यायाचे तत्व अंमलात आणावे. “
अनु. जातीच्या विकासासाठी बार्टी राबवित असलेल्या विविध योजनांबद्दल त्यांनी समाधान व्यक्त केले.

बार्टी संस्थेचे महासंचालक मा सुनिल वारे यांच्या संकल्पनेतून बार्टी कार्यालयात दररोज सकाळी संविधान उद्देशिका सामुहिकपणे वाचनाचा उपक्रम सुरु केल्याबद्दल त्यांनी या उपक्रमाचे स्वागत करुन मा . महासंचालक सुनिल वारे यांचे हार्दिक अभिनंदन केले.

या बैठकीच्या समारोपात मा . महासंचालक यांनी बार्टी संस्थेच्या वतीने राबविण्यात येत असलेल्या विविध कल्याणकारी योजनांची माहिती दिली तसेच डॉ. बाबासाहेब आंबेडकर यांचे विचार आणि कार्यावर संशोधन करून नव्या पिढीपर्यंत हा वारसा नेण्यासाठी बार्टी कटीबद्ध असल्याचे सांगितले बार्टीच्या विविध योजनांचा लाभ घेऊन उच्च पदस्थ झालेल्या सर्व अधिकाऱ्यांचे स्नेमिलन आयोजित करण्यात येईल.तसेच
संविधान कक्षाच्या माध्यमातून बार्टी “हर घर संविधान ” हा उपक्रम सुरु करत असल्याची माहिती त्यांनी दिली.

या बैठकीला रहाटे नगर , नागपुर मध्ये सामाजिक कार्य करणारे प्रमोद काळबांडे, खुशाल ढाक हे ऑनलाईन उपस्थित होते तर बार्टी मुख्यालयात विभाग प्रमुख स्नेहल भोसले, अनिल कारंडे वृषाली शिंदे, निबंधक इंदिरा अस्वार,सतीश पाटील, संशोधन विभागाचे प्रकल्प व्यवस्थापक डॉ. प्रेम हनवते, संविधान कक्षाचे सुमेध थोरात , नागपूर तेथील बार्टी उपकेंद्राचे प्रकल्प अधिकारी शितल गडलिंग, तुषार सूर्यवंशी इत्यादी उपस्थित होते.